Tononkalo Fiaraha-monina

Fesiboky fesiboky

A: Ity fesiboky ity ange ry zareo
Miangavy mba avalona hatreo
Tsy misy ilana azy io fa avelao 
Ny asa sy fianarana atao

B: Mangina re ty vava akombony
Ny toetra tsaranao koa tazomy
Dia aza be sermona razoky
F’izahay tena mirevy fesiboky

A: Ka nareo anie toy ny adaladala
Isan’andro eo foana fa tsy miala
Marina tsy toy ny tsisy atao
Fesiboky fesiboky lava izao

B: Ka io samy manana ny reviny
Samy mba mambosaka ny heviny
Misy ny mandefa kalokalo
Ao koa ny mizara tononkalo

A: Ie, dia misy koa ny tia misehoseho
Farany hiboridana avy eo
Sary mitanjatanjaka io foana
Izany no hitanao mandavan-taona

B: Ka inona ary ny olana amin’izany
Sariny io ka izay hanaovany azy any
Raha toa ary izy mampiseho fitombenana
Ho azy fa tsy ho ahy ny fanenenana

A: Dia misy koa sarin’olona mikaly
Nefa ny any Atsimo izao mijaly
Mampidera vola sy harena
Nefa be ny mahantra mosarena

B: Ka ny mahantra tsy manao fesiboky
Ny any Atsimo koa tsy asanay razoky
Io no famelezana an-drafanjakana
Mba hiasa sy hanaraka lalàna

A: Ao koa tena misy fanalam-baraka
Mafy nohon’ny totohondry sy ny daka
Betsaka aza ireo efa nahita angano
Rava hatramin’ny fiainan-tokantrano

B: Izany kosa aloha dia tena hadalana
Ny anay aza io hanovozam-pahalalàna
Ahitana izay mitranga eran-tany
Tsy miandry ela fa dia eo no eo ihany

A: Fa ao koa ny tanora no mifamotoana
Mifampitarika mba hanaonao foana
Tsy misy miafina tsara amin’ialahy
Ny zava-bitan’ilay « famille kanijah »

B: Ireny no atao hoe tanora ratsy taiza
Izany misy foana n’aiza n’aiza
Ny ankizy matoa tsy mahatoky
Tsy voatery vokatry ny fesiboky

A: Dia handeha aho f’ialahy tsy resy doika
Aoriana isika roalahy mifankahita
Veloma koa hono ialahy hoy Madama
Ny ankizy koa ny anay izao mba salama

B: Hay, Veloma ary e dia mandram-pihaona
Amin’ny alahady ny fotoana
Fa i Madama sy ny ankizinao razoky
Hitako isan’andro anaty fesiboky

A: An? Ahoana tsara a?

B: Zany e, aza dia mba matokitoky
Fa ny zanakao efa mifesifesiboky
Dia mba araho maso koa ilay Madama
F’ianao rangahy aza dia mitamatama

Rasamy

Publicités

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion /  Changer )

Photo Google+

Vous commentez à l'aide de votre compte Google+. Déconnexion /  Changer )

Image Twitter

Vous commentez à l'aide de votre compte Twitter. Déconnexion /  Changer )

Photo Facebook

Vous commentez à l'aide de votre compte Facebook. Déconnexion /  Changer )

Connexion à %s